دووەمین سالیادی کارەساتی پر ترادیژیای جینوسایدی ئێزدیە سەربەرزەکانی کوردستان بەرزو پێر راگیرا

karesaty shngal

دووەمین سالیادی کارەساتی پر ترادیژیای جینوسایدی ئێزدیە سەربەرزەکانی کوردستان بەرزو پێر راگیرا

بە مەبەستی بەرزوپیرۆز راگرتنی یادی دووەمین سالوەگەری کارەساتی پڕتراژیدیاو جینۆسایدی ئێزدیە سەربەرزەکانی کوردستان وناوچەی شەنگاڵ لە هۆلی رۆشنبیری شارۆچکەی برۆندبوی لە شاری کۆپنهاگنی پایەتەختی ولاتی دانیمارك بە بەشداری بالوێزی عیراقی لەدانیمارك و هەروا نوێنەرانی و نوێنەرانی حزب و لایه‌نکانی کوردستانی و عیراقی ودانیمارکی و رێکخراوەکانی كۆمه‌ڵگه‌ی مه‌ده‌نی لەسەر بانگهێشتی کۆمەلەی براکوردە ئێزیدیەکان لە دانیمارك مەراسیمێک بەرێوەچوو.                            بەو مەبەستەش شاندێکی بە نوێنەرایەتی کۆمیتەی رێکخستنی (ی.ن.ك) کە پێکهاتبوو لە  بەرپرسی کەرتی رێکخستنی کۆپنهاگن هاورێ محمود و ئەندامی کەرت تەها حەمەجەزا و لەگەل ژمارەیەك لە رێکخستنەکانی یەکێتیمان ئامادەبوون.

سه‌ره‌تایی مه‌راسیمه‌كه‌ به‌ چه‌ند ساتێك راوه‌ستان بۆ گیانی پاكی شه‌هیدانی كوردستان به‌گشتی و شه‌نگال به‌تایبه‌تی ده‌ستیپێكرد.

دواتر کورتە فیلمێک لەسە کارەساتی قوربانیانی شەنکال پیشاندرا.

وە پاشان لەلایەن لیژنەی سەرپەرشتیاری مەراسیمەکە وتارێك خوێندراوە بە هەر سێ زمانی کوردی و عەرەبی و دانیمارکی ، وە دواتر وتاری بالوێزی عیراق نوێنەرانی وحزب و لایەنە سیاسیەکان خوێندراوە، بەو مەبەستەش پەیامی کۆمیتەی رێکخستنی دانیمارکی (ی.ن.ك) لەلایەن بەرپرسی کەرت هاورێ مەحمود پیشکەشکرا. کەتیایدا بەناوی کۆمیتەوە هاوخەمی خۆیانی بۆ  ئەو کارەساتە پڕتراژیدیاو جینۆسایدی ئێزدیە سەربەرزەکانی کوردستان وناوچەی شەنگاڵ راگەیاند بوو هەروا هیوای خواستبوو هەموو هەوڵەکان بخرێنە گەر بۆ ئازادکردنی  بێسەروشوێنەکان و دەڤەری شەنگال لەچەتە تیرۆریستە داعشیەکان ،تەوەرێکی تردا ئاماژەی بەم رۆژەکردبوو کە لەکاتێکدا ساڵیادی ئەم کارەساتە دەکەینەوە هیشتا بەهەزاران خەڵکی سڤیلی ئێزدی بێ سەروشوێنن و ئەسیرو زەلیلی دەستی داعشن، بەهۆی ئەم کارەساتە نامرۆڤایەتیەش بەهەزارانیش ئاوارەبوون و لەڕۆژگارێکی سەختدا دەژین. ئەو تاوانە ویژدان هەژێنەشی دەرحەق خوشک و برا کوردە ئێزیدیەکانمان بە برینێکی قولی ناو ناخی گەلەکەمانی لەقەلەم دا کە هەتاهەتایە نایەتە لەبیر کردن ، درەنگ بێت یا زوو دەبێ هەموو ئەوانەی بەم تاوانە هەستاون هەموو ئەوانەشی کەمترخەمیان کردووە بوونەتە هۆی ئەو مالوێرانیە بۆ هاولاتییە ئێزیدیەکانمان بەزووترین کات سزابدرێن،

لەخالێکی تری پەیامی کۆمیتە، داوا لە حكومەتی ناوەندی عیراق و حكومەتی هەرێمی كوردستان و پەرلەمان و رێکخراوەکانی کۆمەلگای مەدەنی و راگەیاندنەکان و ناوەندە پەیوەندیدارەکان و رەوەندی کوردی کرابوو،  كە هەوڵی تەواو بدەن بۆ بەجینۆساید ناساندنی كەیسی هاوولاتییە ئێزدییەكانمان لە کۆمەلگای نێو نەتەوییدا بۆ ئەوەی جارێكی تر ئەو كارەساتانە دووبارە نەبنەوە كە بەسەریاندا هاتووە. لەتەورێکی تری پەیامەکەی کۆمیتە  داوای کردبوو کە گرنگی بە ناوچەی ئێزیدیەکان و دەشتی موسل بدرێ لە رووی ئابووری و تەندروستی و پەروەردەییەوە، تێکرا ئەمانەش تەنها بەوە دەستەبەردەکرێ ، کە سەرەتا بکرێتە ناوەندی ئیدارەیەکی سەربەخۆ و لەلایەن خەلکی دەڤەری خۆیانەوە بەرێوە ببردرێ  دوور لە دەست تێوەردانی حزبی، پاشان بکرێتە پارێزگا.

پاشان مەراسیمەکە لەایەن لێژنەی سەرپەرشتیار و میوانانەوە بە کلیپی ڤیدیۆیی و وتار و پەخشان و هۆنراوە هەروا پێشانگایەك لەسەر کارەساتی شەنگال کارەساتەکانی تری کوردستان درێژەی کێشا ..

13906901_1019823048136975_1198485908967065643_n

٣ ٤ ٥ ٦ ٧

karesaty shngal karesaty shngal1

١ ٢ 13873126_1019823211470292_5762836685790272046_n 13906901_1019823048136975_1198485908967065643_n