دانیمارك/شاندێکی هاوبەشی کۆمیتەی رێکخستن و کۆمەلەی پێشمەرگە دێەینەکان بەشداری لە کۆرێکی ماتەمینی شەهیدانی دووی پووشپەری شاری سنە دەکەن

بەمەبەستی رێز لێنان لە شەهیدانی دووی پووشپەری شاری سنە، (کەلەو رۆژەدا  پۆلێك پێشمەرگەی کۆمەلە لەگەل هاورێیانی رێکخستنی شاریان لەدوای ئەنجامدانی بەسەرکەوتوویی چالاکیەکی پێشمەرگانە لە شاری سنە لە بۆسەیەکی چەکدارانی رژێمی ئێران شەهید دەبن)  کۆریادێك لە کولتورهوسی ڤالبویی لە کۆپنهاگنی پایەتەختی ولاتی دانیمارك  بەسەرپەرشتی کۆمیتەی دانیمارکی کۆمەلەی شۆرشگێرانی کوردستانی ئێران بەرێوەچوو،

کە تیایدا نوێنەرانی هیزو لایەنە کوردستانیەکان ورەوەندی کوردی ئەو دەڤەرە ئامادەبوون ، بەو مەبەستەش  بە نوێنەرایەتی کۆمیتەی رێکخستنی دانیمارکی یەکێتیی نیشتمانیی کوردستانیش شاندێك کە پێک هاتبوو لە جێگری بەرپرسی کەرتی کۆبنهاکن حەسەن حەمەد وئەندامی کەرت هوشیار مەحمود و ژمارەیەك لە پێشمەرگە دێرینەکان و رێکخستەنان لە کۆرەکە بەشداریان کرد.

لەمیانەی کۆرەکەدا لەلایەن بەشدار بووانەوە بەتایبەتیش نوێنەرانی هێز و لایەنە کوردستانییەکان  وتار و بروسکە خوێندرایەوە وئاراستەی لیژنەی سەرپەرشتیاری کۆرەکە کرا، پەیامی هاوبەشی کۆمیتەی رێکخستنی دانیماركیش (ی.ن.ك) و کۆمەلەی پیشمەرگە دێرینەکانی کوردستان کە لە لایەن جێگری بەرپرسی کەرتی کۆپنهاگن خوێندراوە پێشکەشکرا، کە تیایدا ئاماژە بەی بزوتنەوە شۆرشگێرەکانی رۆژهەلاتی کوردستان بەتایبەتیش خەبات و بەرخۆدانی کۆمەلەی شۆرشگێری زەحەتکێشانی کوردستانی کردبوو لە قوربانیدانیان بۆ بەدیهێنانی مافە رەواکانی کوردستانیان لە رۆژهەلاتی کوردستان، دەربارەی ئەم پۆلە شەهیدەش دەبێ بزانین ئەم پۆلە شەهیدە نەیەکەم گیان فیدایی رۆلەکانی کۆمەلەیە نە دوایینیشیان دەبێ هەتا خەبات و تێکۆشان بەردوام بێ بۆ گەیشتن بە ئامانجەکان گیان فیدایی و قوربانیدانیش بەردەوام دەبێ، ئومێدەواربوون خوێنی ئەم پۆلە قارەمانانەو سەرجەم شەهیدان بە فیرۆ نەچێ و ئامانجەکانی کۆمەلانی خەلکی کوردستانیش بێتەدی، لەکۆتایی پەیامەکەشدا بەناوی کۆمیتەی رێکخستنی دانیمارك و کۆمەلەی پێشمەرگە دێرینەکانی کوردستانەوە پرسەو سەرەخۆشی خۆیانی ئاراستەی کۆری ماتەمینیەکە و سەرجەم رێکخستنەکانی کۆمەلە کردبوو بەگشتی و بەتایبەتیش پرسەو سەوخۆشی ئاراستەی خانوادەو کەس و کاری ئەو پۆلە شەهیدە قارەمانانە کردبوو.

دواتر ئامادەببوانیش بە هۆنراوەو پەخشان و کۆرەکەیان رازاندەوە.

لە کۆتاییدا برادەرانی کۆمیتەی دانیمارکی کۆمەلەی شۆرشگێری زەحەمتکێشان  خۆشحالی خۆیان دەربری بۆ ئامادەبوونی شاندی کۆمیتی رێکخستنی دانیمارکی ی.ن.ك لە کۆرەکەیان.