دانیمارک / لەکۆڕێکداهاوسەرۆکی پەیەدە دواین ڕەوشی کۆبانی وناوچەکەی خستەڕوو.

foto 2 (1)

‌سالح موسلم هاوسەرۆکی (PYD) پەیەدە لەگەشتێکیدابۆئەوروپا بەمەستی پشتیوانی وهاوکاریکردن بۆکۆبانی وڕۆژئاوای کوردستان، گەیشتە ووڵاتی دانیمارک و بۆ ڕۆژی دواتر لەلایەن پەرلەمانی دانیمارکەوە میوانداریەکی بۆ ڕێکخرابوو ،ئیوارەی هەمان ڕۆژ بۆ ڕەوەندی کوردی لە کۆپنهاگن ودەوروبەری کۆڕێکی جەماوەری فراوان لەلایەن ڕێکخراوی (FEYKURD)وە بۆ ئەنجامدرا کەتیایدا نوێنەری چەندین هێز و لایەنی کوردستانی و ڕێکخراوەیی ئامادەی بوون ، بەوەستان بەبێ دەنگی ڕێزگیرا لەشەهیدانی کۆبانی وگشت شەهیدانی کوردستان وبەرخودانی کۆبانی .

‌دواتر هاوسەرۆکی پەیەدە (سالح موسلم) لە ووتەیەکیدا ئامانجی سەردانەکەی بۆ ئەوروپاو بەشداریکردنی لەکۆڕوکۆبوونەوەکانی لەگەڵ بەرپرسان و پەرلەمانتارانی ئەوروپاو ڕێکخراوەکاندا خستەڕوو ،لەووتەکەیدا تیشکی خستەسەر گۆڕانکاریە سیاسییە کانی جیهان بەگشتی و ڕۆژهەڵاتی ناوەڕاست و بەتایبەتیش ئەو باروودۆخەی کوردستانی پیاداتێدەپەڕێ وترسی دوژمنانی کورد لەبەرەوپێشچوونی دۆزی کورد،هەروەها مەترسیەکانی گروپی تیرۆریستی داعش و ڕەهەندە و مەترسیەکانی کەزیاتر لە دووساڵە لەڕۆژئاوای کوردستان پەیەدە و یەپەگە شەڕیان دەکەن ،لەبارەی کۆبانیەوە دڵنیاییدا کە خەڵک وهێزەکانی یەکینەکانی پاراستنی گەل بەوورەیەکی پۆڵاینەوە ڕووبەڕووی داعش و تیرۆرستان بوونەتەوەو دەبنەوە ، ووتی هەرگیز ڕێنادەین و بەڵێن دەدەین کۆبانی دەپارێزین وەک چۆن لەرابردوودابەرگریمان کردووە و پیلانەکانی داعشمان پوچەڵکردۆتەوەو شکستمان پێهێنان هەر بەو وورەیەوە بەرنگاریان دەبینەوە و ناوچەکەش لە تیرۆرستانی داعش پاک دەکەینەوە بە هێزو تواناو هەماهەنگی هاوکاری کوردان و دۆستەکانمانەوە کە پشتگیری و کۆمەکمان دەکەن.

‌بۆ ئەم کۆڕەش بەنوێنەراتی کۆمیتەی دانیمارک ،وەفدێک کە پێکهاتبوو لە بەرپرس وئەندامانی ڕێکخستنەکانی کەرتی کۆپنهاگن بەشدار بوون و دوای کۆڕەکە لەنزیکەوە چاویان کەووت بە بەڕێز هاوسەرۆکی پەیەدە و دەستخۆشی و سەرکەووتنیان بۆ خواست و پشتگیری وهاوکاری کۆمیتەو یەکێتیان لە ناوەوە و دەرەوەی کوردستان  دووپاتکردەوە .

هه‌روا له‌‌ په‌یوه‌ندیه‌کی ته‌له‌فۆنیدا  به‌رپرسی کۆمیته‌ سه‌ردار محمه‌د له‌گه‌ل هاوسەرۆکی پەیەدە به‌رێز (سالح موسلم) دوای ده‌ستخۆشیکردن بۆ ئه‌م کۆرو سمینارانه‌ هیوای سه‌رکه‌وتنی بۆ به‌رێزیان خواست له‌ کارو چالاکییه‌ دبلوماسییه‌کانی له‌ گه‌یاندنی ده‌نگی رۆژاوای کوردستان و ئه‌و هێرشه‌درندانه‌یه‌ی چه‌ته‌ تیرۆریسته‌کانی ناسراو به‌ داعیش بۆ سه‌ر ده‌ڤه‌ری  کۆبانی ناوچه‌کانی تری رۆژئاوای کوردستان، له‌ په‌یوه‌ندییه‌ ته‌له‌فۆنیه‌که‌دا هاوسه‌رۆکی په‌یه‌ده‌ ئاگاداریکردنه‌وه‌ که‌ تێگه‌یشتنیك هه‌یه‌ به‌ره‌و کۆده‌نگیه‌ك که‌ رۆژئاوای كوردستانیش بگرێته‌وه‌ له‌ دژ هێرشه درندانه‌کانی چه‌ته‌کانی تیرۆریسته‌کانی ناسراو به‌ داعیش، له‌ به‌رامبه‌ردا به‌رپرسی کۆمیته‌ هیوای سه‌رکه‌وتنی خواست بۆ هیزی پیشمه‌رگه‌ی له‌و جه‌نگه‌ی دژه‌ تیرۆردا که‌ رووبه‌رووی باشوری کوردستان بۆته‌وه‌ به‌گشتی و رۆژئاوای کوردستان به‌تایبه‌تی ، هه‌روا به‌مه‌به‌ستی زیاتر یه‌ک ده‌نگی و یه‌ک  ریزی به‌رپرسی کۆمیته‌ به‌ به‌رێزیانی راگه‌یاند لێره‌ش ئه‌وان په‌یوه‌ندیان له‌گه‌ل نوینه‌رانی په‌یه‌ده‌و حزبی ته‌قه‌دمی دیموکراتی کوردی سوری کردووه‌ بۆ کۆبوونه‌وه‌یه‌ك بۆ ئاماده‌کاری کۆبوه‌ونه‌وه‌یه‌کی فراوان به‌و مه‌به‌سته‌ به‌ به‌شداری زۆربه‌ی هیزو لایه‌نه‌ سیاسیه‌کانی کوردستان.

foto 1 (1) foto 1
foto 2 foto 3