دانیمارك ـ کۆمیتەی رێکخستنی دانیمارك لەگەل رێکخستنەکانی نۆردیولاند بۆ تاوتوێ چه‌ند ته‌وه‌رێک و کارو بەرنامەی داهاتوویان کۆده‌بێته‌وه‌

IMG_34341

به‌ مه‌به‌ستی تاوتوێکردنی بارودۆخی ئێستای کوردستان و به‌دواداچوونی کار و چالاکییه‌کان و ئاماده‌کاری بۆ کارو چالاکیه‌کانی داهاتوو  به‌رپرسی کۆمیته‌ سەردار محەمەد بەیاوەری کارگێری کۆمیتە وشیار جەلال و ئەندامانی کۆمتە جافەر وەیسی و مەحمود عەزیز لەگەل رێکخستنەکانی نۆردیولاند لە مالی کۆمەلەکانی شاری ئۆلبۆرگی دوورگەی یولاندی ولاتی دانیمارك نیستڤید کۆبوونه‌وه‌یەك بەرێوەچوو.

پێشه‌کی کۆبوونه‌وه‌که‌ به‌ ساتێك وه‌ستان بۆ رێزلێنان لە گیانی پاکی شەهیدان له‌لایه‌ن به‌رپرسی که‌رت گوزەر فەتاح ده‌ستی پێکرد.

دواتر  لەلایەن بەرپرسی کەرت دوای بەخێرهێنانی ئامادەبووان پوختەیەك دەربارەی کەرتەکەیان پێشکەشکرا دواتر رۆلی کەرتەکەیانی لەناو مالی کوردا خستە روو، هەروا سوپاس و پێزانینی خۆی ئاراستەی سەرجەم ئەو هەڤالانەکرد کە لەو ماوەیەی بەرپرسی کەرت بووە هاوکار بوونە لە کاروچالاکیەکان ،جا لەبەر بریاری گەرانەوەی بۆ کوردستان و داوای گواستنەوەی پەیوەندی رێکخراوەییەکەی بۆ کوردستان ئەم جارە دوایین کاری رێکخراوەیی دەبێت وەك بەرپرسی کەرت لەم دەڤەرەدا.

دواتر سه‌ردار محه‌مه‌د به‌رپرسی کۆمیته‌ دوای خۆشحالی دەربرین  ده‌ستخۆشی لێکردن بۆکاو جالاکییەکانیان به‌هیوای به‌رده‌ه‌وامیدان به‌و گروتینه‌ی هه‌ڤالان لە ئامادەکاریەکان و بەشداریکردنیان لە چالاکیەکان هەروا دەستخۆشی لە بەرپرسی کەرت کرد لەماوەی بەرپرسایارەتیەکەیدا بەپێ ی توانا هەولی داوە ی.ن.ک لەو دەڤەرە رۆلی بەرچاوی هەبێ.

له‌ خالێکی تری کۆبوونه‌وه‌که‌دا‌ ئاماژەی کردە بارو دۆخی کوردستان بە تایبەتی و ناوچەکە بەگشتی، هەروا باس لە نه‌به‌ردییه‌کانی هێزی پێشمه‌رگه‌ی کوردستان کرد به‌گشتی و یه‌کێتییمان به‌ تایبه‌تی له‌ روبه‌رووبوونه‌وه‌ی چه‌کداره‌ تیرۆرسته‌کانی داعش و ئازادکردنی یه‌ک له‌ دوای یەکی شارو شارۆچکه‌کانی کوردستان، بەو مەبەستە پیرۆزبایی لە خۆیان سەرجەم کۆمەلانی خەلکی کوردستان کرد بەگشتی و هێزی پێشمەرگە بەتایبەتی . به‌ ناوی سه‌رجه‌م ئاماده‌بوانیشه‌وه‌ سلاوی شۆرشگێرانەی ئاراستەی هێزێ پێشمەرگەی کوردستان کرد و پشتیوانی خۆیان بۆ پێشمه‌رگه‌ قاره‌مانه‌کانی سه‌نگه‌ری به‌رگریکردن دووپات کرده‌وه‌.

هەروا بە پێویستی زانی بۆ داهاتووی رێکخستنەکانی ئەو دەڤەرە لێژنەیەك سازبکرێ بۆ سه‌ردان و پەیوەندیکردنبە سەرجەم هەڤالانی رێکخستن وهەروا بەسەرکردنەوەی  خانوادەکان و دۆست و لایه‌نگرو هه‌وادارنی ی.ن.ك لەو دەڤەرە هەروا  ئامادەکاری کردنیش بۆ هەلبژاردن لەو سنوورەدان ، کۆمیتەش هاوکاریان دەبێ، داواشیکرد لە ئامادەبووان هاوبەش هاوکار بن لە کارو چالاکییەکان وەك دەستە گولەکەی فەخامەتی مامی گەورەمان کە بەردەوام لە ئامۆژگاریەکانیدا ئاماژەی پێ کردووە پێ ی راگەیاندین، بەگروتینێکی تازەوە لە گۆرەپانەکە ئامادەبن بۆ زیاتر بەرچاوکردنی رۆلی یەکێتییمان.

دواتر کارگێری کۆمیتە‌ وشیار جه‌لال درێژەی بە کۆبوونەوەکە دا، دوای خۆشحالی دەربرین  هیوای خواست له‌ کارو چالاکیه‌کانیان به‌رده‌وامبن له‌ پێناو  گه‌شه‌پێدانی رێکخستنه‌که‌یان هەروا هاوکار بن لەگەل ئەو لێژنەیە کە دواتر سازدەکرێ بۆ ئەوەی بتوانری زۆربەی هەڤالان و خانوادەکانی رێکخستن بەسەربکرێتەوە پەیوەندیان پیوەبکرێ، بۆ ئه‌و مه‌به‌سته‌ش ئاماده‌یی و هاوکاری کۆمیته‌شی پیشاندان له‌ داهاتوودا.

پاشان ئەندامی کۆمیتە جافه‌ر وه‌یسی دوای ده‌ستخۆشی کردن بۆ کارو چالاکیان هیوای خواست به‌رده‌وام بن و هه‌روا ئاماژه‌شی کرد به‌ کاره‌کانی به‌شی ئامار و داواشی کرد به‌به‌رده‌وامی  گرنگی بدرێ به‌ ئامارێکی راست و دروستی که‌رته‌که‌.

دواتر ئەندامی کۆمیتە مەحمود عەزیز دوای خۆشحالی دەربرین ئاماژەی کردە کارەکانی راگەویاندن و گرنگیدان بە سەردانی مالپەری کۆمیتەو ئاگادارکردنەوەیان بە سەرنج تێروانینیان دەربارەی مالپەرەکە بۆ زیاتر چالاککردن و گەشەپێدانی.

پاشان ئامادەبووان  درێژه‌یان به‌کۆبوونه‌وه‌که‌دا به‌ ئالوگۆر کردنی راوبۆچوونیان ،هەروا لێژنەیەکیش سازکرا بۆ سەرکردنەوەو پەیوەندی کردن بە هەڤالان و خانوادەکان و دۆست و لایەنگران و هەوادارانی ی.ن.ك بەتایبەتیش بەمەبەستی ئامادەکاری بۆ هەلبژاردن لە داهاتوویەکی نزیکدا. هەروا  چه‌ندین ره‌خنه‌و پێشنیاریشیان پێشکه‌ش کرد پاشان له‌لایه‌ن به‌رپرسی کۆمیته‌ ‌وه‌لامی پرسیاره‌کان درایه‌وه‌ و پێشنیاره‌کانیان به‌هه‌ند وه‌رگیرا..
له‌ کۆتاییدا به‌رپرسی کۆمیته‌ هیوای سه‌رکه‌وتنی بۆ خواستن..IMG_3429IMG_3421IMG_3427IMG_3420

 IMG_3425